لأول وهلة قد يظن قارئ العنوان أن «خناقة ستات» هو برنامج تليفزيوني جديد يجمع بين المذيعتين اللامعتين، رضوى الشربيني وياسمين عز، لكنه سيصدم بعد ذلك عندما يعرف أن ما دار منذ ساعات عبر صفحات السوشيال ميديا بين رضوى وياسمين ينطبق عليه وصف «خناقة ستات».
البداية عندما سخرت الإعلامية رضوى الشربيني من تصريحات سابقة لياسمين عز، قالت فيها «البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها !».
رضوى سخرت من هذا الكلام قائلة: «أنا ست عندها كرامة.. كلام العبيد ده مش بتاعي».
في المقابل ردت ياسمين عز على رضوى في منشور على «فيس بوك» قائلة: «ويحك يا دعسوقة، كرامة إيه يا أم كرامة بلاستيك، أنت شطبتي محتوى وبقيتي مملة، حتى في تلقيحك مملة، زيرو محتوي زيرو أنوثة، دة أنا مش بس أدوس على الفساتين الماركات دة أنا أدوس على أي حد علشان خاطر الفرعون الصغير الكبير، وبلاش نشغل أسطوانة المرأة الحديدية، علشان المرأة نفسها لو عرفت انتي ايه هيجيلها صدمة دماغية حضارية».
واختتمت عز قولها محذرة زميلتها من التلميح لها في التعليقات قائلة: «بقولك يا خرابة البيوت العمرانة، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وأهو بالمرة نحكي الحكايات، ونسلي الناس في الإجازات».
