قالت الفنانة ميمى جمال إن زوجها الفنان الراحل حسن مصطفى لم يكن له نزوات أو يعمل حاجة غلط، وأنا كنت بثق فيه.
وأضافت ميمى خلال لقاءها مع الإعلامى دكتور عمرو الليثى ببرنامجه «واحد من الناس» أن الطلاق حدث بعد ٦ سنوات من الزواج بسبب «حاجة عبيطة، ورجعنا لبعض بعد مدة بسيطة».
وتابعت: أن «حسن مصطفى عمل أكتر من ٢٠ حجة و ٢٥ عمرة و لم يفوت فرض، و يسافر السعودية مرتين فى السنة، وكنت مبسوطة طوال حياتى معاه، وبنته من زوجته الاولى، بقت زى بنتى علي الرغم من انها فى الاول كانت بتعاملنى وحش بسبب انها حاسه انى اخدت ابوها، لكن بعد ذلك مفيش فرق بينها وبين بناتى».
ولفتت: «ان اخر لحظات للفنان حسن مصطفى كنت بجواره فى المستشفى، و قال لى شيلى ايدك من على خدك، هتحطيها كتير بعد كده اجمدى اللى جاي صعب ، و حط دماغه على المخدة وراح ، بعدله علشان ينام لاقيته مش بيرد ، جريت على الاطباء ، فقالو لى البقاء لله ، و الساعة كانت ٤ الفجر، ولم ابلغ بناتى علشان ما اخضهمش و هما هيجوا بكره بدرى يعرفوا و فضلت بجواره اكلمه لحد الصبح».
وأضافت: «انها كانت بتكلم الكرسي اللى كان بيقعد عليه و تحكي ليه بعد وفاته، وكنت بعد وفاته اعدى على غرفته اقوله تصبح على خير و كانه موجود ، حسن كان ليه تواجد و كاريزما فى البيت مفتقداها».
