كشفت الفنانة بدرية طلبة عن الأسباب التي دفعتها لحذف المنشور الخاص بها بشأن محاولة خطف إبنة شقيقها عن طريق شكة دبوس مخدر وذلك بعد الهجوم عليها وتكذيب عدد من متابعيها للقصة وكتب بدرية عبر صفحتها الرسمية على فيسبوك قائلا :" اعتبروني منزلتش حاجة طالما حتقعدوا تكدبوا وتناقشوا أنا بوعيكم مش أكتر لأن حصل معانا فعلا".
وأضافت موضحة :" أنا مقولتش تخدير كلي زي ما بتقولوا والبوست كان واضح واللي بيدخل على الخاص عايز التفاصيل أنا مش فاضية أقعد أشرح لكل واحد مش مصدق براحة راحتك والغريبة بقى اللي يقولك ترند! ترند إيه يا أبو ترند هو أي هبد وأي كلام".
وكانت الفنانة بدرية طلبة قد نشرت في وقت سابق صورة ليد فتاة قالت أنها يد ابنة شقيقها التي تعرضت لـ شكة دبوس في محاولة اختطافها وعلقت محذرة الجميع :" والله ماكنت بصدق ومكانش ييجي على بالي أبدا إن دي حقيقة لكن حصلت لحد مني" وتابعت :" اللي اتشكت دي بنت أخويا وربنا ستر ورجعت بيتها بالسلامة أمانة خدوا بالكم من بناتكم لأن واضح إن البنات الكبار هما السن المستهدف".
واختتمت حديثها قائلة :" شيروا على قد ما تقدروا علشان نوعي الناس دا مش بوست منقول دي صفحتي أنا بدرية طلبة ودي بنت أخويا" وبعد هجوم عدد من المتابعين عليها وتكذيبهم للواقعة خاصة أن البعض ادعى ان الصورة منتشرة بشكل كبير على الفيسبوك وأنها ليست يد ابنة شقيقها ما دفع بدرية إلى حذف البوست من صفحتها على الفيسبوك.
