استاء الفنان شريف منير من  ردود الافعال التى اطلقها رواد السوشيال ميديا منذ يومين تعليقا على حلق ابنته اسما شعرها على الزيرو قائلا ايه الضجه اللي انتوا عاملينها دي .. كل ده عشان بنتي قصيــت شعرها قدام الكاميرا .. ايه الغلط اللي هي عملته .. تصرف عادي جدا مفيهوش اي حاجه .. اوعوا تفتكروا اني ممكن اجي على بنتي عشان اكسب رضاكم .. دي بنتي اللي مليش غيرها واللي بحبها ..وبالمناسبة اللوك اللي عملته عجبني .. بس قبل ما الاخوه اللي بيها.جموا ويقولوا بتعمل كده عشان تريند او ابوها معرفش ير.بيها .. لأ انا بنتي متربيه كويس جدا .. بس هي هي بتتصرف باللي هي حاسه بيه .. المهم انها متكونش بتأذي حد .. قبل ما تتكلموا بصوا على نفسكم .. اتفرجوا على عيلتكم ولادكم اخواتكم الناس اللي حواليكم .. قبل ما تنتقدوا وتغلطوا في تــربيه حد .. انا بنتي متربية كويس جدا ريحوا نفسكم .. لان اللي حصل من بنتي مش غلط ومش عيب .. هي مغلطتش في حد فيكم .. هي حره في نفسها .. وعندها 36 سنة وام وعندها بنوته ومسئولة عن نفسها .. فـ انا اب مسئول انها احميها .. انما هي حرة في تصرفاتها .. وبكرر تاني اسما انتي شكلك حلو جدا وكنتي زي القمر وخدتي التريند برافو عليكي .. متسمعيش كلام حد .. ومتهتميش بكلام حد وانا مش مهتم بالكلام اللي بيتقال عليا او عليها .. المهم ان احنا مبنضرش حد

  من المعروف ان اسما  وابوها على خلاف من فتره ورغم هذا دافع عنها والدها بقوة و  قد طرحت اسما فيديو وهى تقوم بقص شعرها على الزيرو  وعلقت أسما على الفيديو قائلة :"شعري بقاله فترة بيقع جامد ده غير إن من كتر العمايل اتحرق وبقي مش صحي خالص غير الغدة وتأثيرها عليه قررت أنفذ قرار كان بقالي كتير أوي نفسي آخده أبدأ من جديد أحرر نفسي أفتح صفحة جديدة حقيقي هو قرار صعب جدا بس حسسني بقوة وتفاؤل".وأضافت موضحة:"رميت ورايا حاجات كتيرة أوي بمجرد إني شلت شعري قلبي كان بيدق جدا وبعديها حسيت إني مليانة أدرينالين.. خطوة جريئة ومرعبة بس حاسه إني طالعة منها بدرس"، واختتمت قائلة :"عارفة إن في ناس كتير هتهاجمني بس أنا فارق معايا إحساسي بالراحة اللي أنا حاساها دلوقتي ..عادي هيطول تاني.. بس الإحساس ده مش هحسه غير مرة.. بكره هتشوفوا النتيجة الأخيرة".