شكر الشاعر والمنتج أيمن بهجت قمر فريق عمل مسرحية "سيدتي الجميلة" عبر صفحته على موقع التواصل الاجتماعي فيس بوك بعد انتهاء موسم عرضها استعدادا لاستئنافه في عيد الفطر المبارك.
وقال قمر في تديونته: «شكرا لأجمل عيلة. سيدتي الجميلة هتفضل علامه في حياتي وعمري ما هنساها تجربه حبيبتها من كل قلبي.. شكرا للنجم الكبير احمد السقا اللي وجوده على عمل من انتاجي ده حد ذاته من اهم انجارات حياتي.. شكرا للنجمه الجميله الجدعه ريم مصطفى اللي بيضت وشي ورفعت راسي بس ده كان متوقع.. شكر لاخويا الجدع الراجل محمد عبد الرحمن اللي عمري ما هنسى وقفته جنبي بالذات المره دي
شكرا علاء مرسي اخويا اللي في ضهري ..ا. عبير منير اختي وحبيبتي ..محسن منصور الرجوله والشياكه ..عم سليمان عيد الجدع اللي انقذني وشالني.. الشباب مليجي وجابر ويسري وعمرو واحمد علي وبيري وهاله ومدام ليلى عز العرب وشيريهان وا. اسامه عبد الله.. شكرا مصطفى عبد السلام ومصطفى حجاج والشباب اللي معاه.. شكرا دبيكي ودرويش.. د. محمود صبري .. شكرا لأنجي عبد الحافظ على اشرافها على الملابس وتعبها وشكرا لرفعت عبد الحكيم واسرته كلها.. طقم الانتاج ا. اسامه الخبيري واخويا معتز وعبد القوي ونوران نصار.. ولازم اخص بالذكر المخرج الواعد مصطفى حسني وفريقه المحترم.. ويارب اكون كنت عند حسن ظنكم ويارب دايما مع بعض في الخير والنجاح.. ونتقابل في العيد بإذن الله».
مسرحية «سيدتي الجميلة» بطولة أحمد السقا وريم مصطفى، وكان الراحل فؤاد المهندس قد قدمها على المسرح في الستينيات تحت نفس الاسم، ولاقت وقت عرضها نجاحا كبيراً.
