صرح المطرب أكرم حسني عبر برنامج "الحكاية": "بقالي خمس سنين عندي حلم عاوز أحققه، إن اسمي يتحط جمب اسم الراجل ده بأي شكل، منير من صعيد مصر الجميل اللي مليان مفردات غزل جميلة.. لما بدأت أكتب الكلام كنت شايف قدامي أه فعلا ده منير، مين هيقول كلمة "الولع" غير محمد منير؟، طول ما هو بيقرأ الكلمات بعدها كنت عاوز أتحزم وأرقص على الترابيزة قدامه، وقالي إن الأغنية عظيمة وهيسجلها فورا، أنا مابحبش ألتفت للحاجات اللي بتضيع فرحة النجاح، وبشوف إن أي حد له حق ياخده.. وكلمة سارق الكلمات دي كبيرة جدا، لأن الأغنية اللي قدمتها لمنير كانت 20 بيت شعر، وفي تشابه في جملة أو في بيت من ضمنهم، ومع احترامي ليه أنا مكنتش أعرف مين هو أو كاتب إيه، أنا متربي في مؤسسة عسكرية، يعني دوري قبل ما أكون فنان هو إني أتصدى للسرقة، وحتى اللحن هو تيمة فلكلورية من الصعيد كلنا تأثرنا بيها".