أكد فاروق جعفر نجم الزمالك السابق، أنه لم يعلم بتوقيع سيف فاروق جعفر لاعب الزمالك، لنادي بيراميدز، مشددا على حدوث خلاف بينه وبين حازم فتوح وكيل نجله بسبب توقيع سيف جعفر لنادي بيراميدز.
قال فاروق جعفر في تصريحات تليفزيونية : "لو سيف ابني مراحش الزمالك أنا أزعل ومكلموش، ولو سيف تخلى عن نادي الزمالك ومشي منه، أنا أزعل جدا، ومعرفش موضوع إنه وقع لبيراميدز معرفش القصة دي"

وأضاف: "اتكلمت مع حازم فتوح وكيل سيف جعفر 5 مرات، وزعقت لوكيل سيف عقب علمي بتوقيعه لبيراميدز" 

وواصل: "كان نفسي حازم فتوح يكلمني يفهمني الوضع بالظبط، عشان مندخلش في الدوامة دي، وأنا كنت فاهم إن سيف جعفر استقر في نادي الزمالك وإن النادي جددله عقده، وفوجئت باللي حصل وإن سيف وقع لبيراميدز من فترة، وحصل بيني وبين وكيل سيف خلاف بسبب هذا الأمر" 

واختتم: "كنت أفضل إن سيف جعفر يستنى لحد ما الموسم يخلص، وولاد النادي أولى من أي حد، هما اللي جابوا الدوري سنتين"