علقت الفنانة سمية الخشاب على واقعة مقتل "عروس طنطا" بعد 48 ساعة من زواجها على يد زوجها، مطالبة الأهالي بضرورة الكشف على عريس ابنتهم نفسيا قبل الزواج لضمان سلامتها.

وأوضحت سمية الخشاب عبر حسابها الشخصي على تويتر قائلة :"البنت زي الولد بالظبط ولا أي حاجة تقدر تمنع البنت من أنها ترفض أي حاجة هي مش عايزاها مش عاجبك وعايز تستعبدها بالقرشين اللي اتجوزتها بيهم متتجوزش أحسن لك".

وتابعت قائلة :"وياريت متجوزوش بناتكم إلا لما تكشفوا على العريس نفسيا وتتأكدوا من ميوله بقدر المستطاع عشان متتصدمش يوم الحق الشرعي".

وأضافت قائلة :" ترفضه في الجامعة تتقتل ترفض تتخطب له تتقتل تتجوزه تتقتل ولا ده في ناس بتبرر بـ حق شرعي إيه يا مريض الجواز مش بس كده الغرب اللي مبيمشوش بالشرع بيسموه ممارسة الحب هو مش حق خالص هو بالتراضي بين الطرفين.. حسبي الله ونعم الوكيل".