تعود الفنانة ياسمين صبري من جديد إلى السينما بعد غياب استمر 5 سنوات منذ تقديم آخر افلامها "الديزل" والذي تم عرضه في عام 2018 وشاركها البطولة محمد رمضان وهنا شيحة وفتحي عبد الوهاب ومحمد عز من تأليف أمين جمال ومحمود حمدان وإخراج كريم السبكي.
وكشفت ياسمين صبري عن مشاركتها في فيلم "أبو نسب" مع الفنان محمد عادل إمام في ثالث تعاون بينهما وماجد الكدواني ومن إخراج رامي إمام قائلة :" الفيلمين اللي عملناهم مع بعض كانوا لطاف جدا والجمهور حبهم والكيميا بينا اللي الناس بتحبها دي أهم حاجة".
وتابعت قائلة:" سعيدة جدا بالتعاون الثالث معاه وبالعمل مع المخرج رامي إمام ومعانا أستاذ ماجد الكدواني وأنا مبسوطة جدا أني همثل معاه إن شاء الله نعمل حاجة أحلى من الأفلام اللي فاتت" كما أعلنت ياسمين صبري عن ثاني أفلامها.
واضافت:" فيلم "البعبع" مع أمير كرارة هو أكشن كوميدي أنا دوري كوميدي الواحد بيحاول يعمل اللي عليه وأكتر عشان الجمهور يروح يتفرج على حاجة ساعتين ويضحك وينسى أي حاجة مضيقاه" أما ثالث الافلام فقد اكتفت ياسمين صبري بالإشارة إلى كونه فيلم أكشن ومن المتوقع طرحه في إجازة الصيف.
