هاجمت الفنانة فريدة سيف النصر رواد السوشيال ميديا الذين ينتقدون عدد من الفنانين معبرة عن حزنها لكون البعض لم يتخيل ما تفعله الكلمة من ذبح لمعنويات الطرف الاخر مؤكدة أن كل هذه الانتقادات ما هي إلا مخطط لضرب القوى الناعمة والفنانين على الرغم من دورهم المؤثر في المجتمع وأنهم سبب في توفير دخل لحوالي 14 مليون شخص.
وعبرت فريدة عن غضبها من هذه الانتقادات عبر صفحتها الشخصية على فيسبوك وكتبت:" أنا زعلانه علينا كلنا.. المصريين أحلى وأطيب وأجدع من كده بكتير خفة دم وكرم وذوق إيه اللي حصل؟" وتابعت متسائلة :" ليه بنستخبي ورا شاشات وتنزل نحر رقاب بعض الكلمة القاسية بتذبح بقينا نكديين منعرفش نفرق بين جد وهزار كله عايز يتخانق مع كله.. إيه ده كل يوم يعاملوك بوش أو حسب المصلحة".
واستكملت فريدة حديثها قائلة :" في إيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده اتكسح ودي روحي موتي كفايه.. مالكم في إيه بجد.. هما الناس دي ما أسعدتكمش أعمالهم فترات من الزمن؟ طيب بلاش أنت مابتحبيش فلان غيرك بيحبه"
واضافت قائلة :" تحسوا أنه مخطط لهدم الفنانين اللي فاتحين بيوت 14 مليون متخيلين كل المهن شغالة معانا تحت أيديهم كام عامل وأسطى كل واحد فيهم عنده أهل وزوجه وأطفال وفي اللي جوز ولاده وعندهم بيوت مفتوحة بتحاربوا تمن عدد البلد في أكل عيشهم".
واختتمت حديثها قائلة :" اقرأوا كده المسلسل بيكتب ناس قد إيه عمالة كفاية هد في الفن الوحش انقدوه بأدب والكويس شجعوه إنما تهزأوا فنانين كبار ليه يعني على فكره أنا عارفة إنها لجان مستهدفة الفن المصري والفن عموما هاه قرروا إيه.. هنشتم من ورا الشاشة ولا هنقول كلام نصح حلو يا باشا"
