هاجم متابع الفنان رامي جمال وذلك بعد استمراره في الغناء رغم إعلان اصابته بمرض البهاق وطرحه لالبومه الجديد وكتب المتابع تعليق عبر قناة رامي جمال على اليوتيوب قائلا :" يا أخي أنا مش فاهم يعني ربنا جابلك مرض وعانيت منه كتير أوي وبعد ما ربنا شفاك راجع بردو تغني وأنت عارف إن الغناء حرام.. أنت مستني يحصلك ايه تاني؟"
ورد عليه الفنان رامي جمال عبر صفحته الشخصية على انستجرام بنشره لصورة التعليق قائلا:" بص يا سيدي أنا ربنا رضاني والحمد لله لسه الابتلاء زي ما هو بس لو عاوز الحقيقة أنت اللي محتاج علاج من كلامك اللي زي الرصاص لو أنا غلط في حاجة تعتقد إن طريقتك دي صح؟"
وتابع قائلا:" أنا للأسف كنت بشوف آراء الناس الإيجابية والنقد البناء واللي طمعانين في حاجة أفضل لأن دايما في أفضل طبعا فشوفت كلامك على الصبح ومش هقولك غير ربنا يسامحك على القسوة وأنا واثق إنه مش حب واللي هيحاسبنا ربنا يا عالم مين أحسن من مين وكلنا بشر مش أنبياء ممكن نخطئ ونصيب والهداية من رب العالمين.. يومك أجمل من قلبك إن شاء الله".
يذكر أن الفنان رامي جمال قد طرحه عدد من اغاني البومه الجديد " يستاهل بوستين" وتصدرت عدد من الاغاني ترند اليوتيوب من أبرزها اغنية "كلميني شوية عني" و"موقف ضعف" وأغنية "بقيت اخاف".
