وقع اختيار إدارة مهرجان قرطاج الدولى 2022 على النجمة شيرين عبد الوهاب لإحياء حفل الختام المقرر له يوم 20 أغسطس المقبل على المسرح الرومانى بتونس، وكانت قد شوفت شيرين عبد الوهاب جمهورها لعودتها للغناء في تونس بعد فترة من الغياب.

الجدير بالذكر أن شيرين عبد الوهاب تعرضت الفترة الماضية لهجوم من الشاعر بهاء الدين محمد، بعد إعلانها أنها نادمة على تقديم أغنية "ماتجرحنيش"، وهو ما جعله يرد عليها عبر حسابه الشخصي على فيسبوك قائلا وكتب قائلاً: مش متعود أرد على أى حد، ولكن لما حد يتجاوز حدوده لازم يقف مكانه ويعرف أنه مهما اتعود يغلط لازم يجى عند بعض الأسماء ويحاسب ويخلى باله وخاصة لما حد في كل كارثة يدافع عنها.

وشرح بهاء الدين محمد وجهة نظرة في عدة مشاهد أبرزها كان المشهد الأول وقال فيه: أول يوم دخلت شيرين عبدالوهاب مكتبى كانت مع نصر محروس اللى هو صاحب الفضل فى تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء، والمشهد الثانى لما رشحتها تغنى "كتير بنعشق"، ولولا موافقة نصر احترامًا للعشرة اللى بنا مكانتش هتغنيها لأنها كانت موقوفة من النقابة، والمشهد الثالث لما فوجئت بمدير أعمالها الرجل اللى أنا بحبه وبحترمه لقيته بيكلمنى نيابة عنها ويقولى سمعنى الجديد وده طبعًا خطأ لأن اللى بيغنى مهما كان اسمه مش المفروض يغلط غلطه زى دى.. لأن المشهد ده مش لايق على المشهد الأول.

وبعد هذا الرد من مؤلف أغنية "ما تجرحنيش"، اضطرت شيرين عبد الوهاب للتراجع عن موقفها وخرجت عبر خاصية ستورى على حسابها على إنستجرام، للإعتذار بشكل غير مباشر وكتبت قائلة: على فكرة أنا نسيت أقول حاجة مهمة أن أحلى حاجة فى أغنية ما تجرحنيش هى الكلام ولا تعليق.