علق الإعلامي خالد عليش على بيان محامي طليقته ميما الشايب والذي اتهمه فيه باستغلال ابنته والقضية بهدف تحقيق مكاسب على السوشيال ميديا وتصدر الترند وأنه هو من تعمد إهمال رعاية ابنته بأكثر من طريقة حتى أنه اخل بالاتفاق المبرم بينهم والذي يحدد رؤية ابنته ونفقاتها ليرد خالد عليش متعجبا على البيان والذي تحول إلى محضر تتهمه فيه طليقته باهمال ابنته.
وقال خالد عليش عبر صفحته الشخصية على فيسبوك:" الحقيقة أنا مبلم بقالي شوية من ساعة ما قريت ده ومش مصدق ده محضر معمول فيا من 12 ديسمبر 2022 أنا لسه مكتشفه" مضيفا:" بعيدا إن هو بيأكد صدق روايتي إني مش عارف أشوف بنتي بشكل سليم في الوقت ده وده اللي خلاني ألجأ للعقد اللي بينا وعمل إلزام بما فرضته نفسها على نفسها".
وتابع متعجبا :"المحكمة حولت العقد لرؤية في مركز شباب وبعدها روحت وما كملتش والقصة الطويلة العريضة بس مش قادر أصدق أن ده محضر أتعمل فيا مش قادر أفهم يعني إيه خدتها ومأكلتهاش يعني إيه ما اديتهاش الأدوية يعني إيه ببعت أشخاص غريبة تجيبها يعني إيه بتاجر بصورها؟ طب ليه عايز أشوفها؟ طب ليه بعمل كل ده"
واستكمل قائلا :" ده أنا قلبت في الموبايل عشان أشوف في التاريخ ده يمكن فعلا عملت حاجة تضايق لقيت إني ماشفتهاش يوم 12 أصلا وبعدها بيومين جبتلها هدية عشان الڤلانتين في الآخر يتعمل فيا محضر ويتقال عليا الكلام ده من ورايا ليه كل ده" واختتم حديثه قائلا :" هل يريح الأم وأصحابها إني أطنش وأكبر دماغي وأسيب البنت وما أشوفهاش خالص بالمناسبة المحضر ده تم نشره عن طريق الأم مش أنا اللي عرفته لوحدي أنا بجد مش مصدق وكإن في إصرار إني أنا أطلع وحش وخلاص.. ربنا يهدي".
وكان الإعلامي خالد عليش قد رفع قضية رؤية في وقت سابق وحكمت له المحكمة برؤية ابنته لمدة 11 ساعة أسبوعيا يوم الجمعة وإلزام مطلقته بذلك وعلق خالد على الحكم قائلا "أنا النهاردة أخدت حكم تاريخي يارب يتنفذ على خير وتاريخي لأنه أحسن حكم ممكن آخده في ظل ظروف قانون الأسرة السيئ لحين تعديله"
وأضاف :" اللي طلع الحكم قاضي مش واحد صاحبنا فده معناه إن الراجل قرا وفهم وبيدي لكل واحد حقه لكن جه الوقت اللي أقول فيه اللي جوايا: حسبي الله ونعم الوكيل أنا خصيم لكل واحد أو واحدة حتى يوم الحساب ساعدوا بشكل مباشر أو غير مباشر إني ما أشوفش بنتي بطريقة إنسانية"
