قال كريم عبد العزيز في افتتاح الدوم لتقديم المواهب :أنا فخور ان في بلدنا أصبح في برنامج لتقديم المواهب بالحجم ده والرقي ده، وبمنافسه ناس آخرين بنفس المستوي لو مكنش أكبر، وتابع : مصر دايما ولادة بتمني كل الدعم للمتسابقين بقول لهم ماتخافوش، الحاجة الوحيدة اللي ممكن تخافو منها ماتوصلوش.
وأضاف كريم : امسك في حلمك وخلي عندك اصرار علي حلمك هتوصل لحلمك، في بداياتي اتعملي لجنة تحكيم بس كانت شديدة شوية ، وكانت أول مره اقف قدام كاميرا سينما، والاستاذ الكبير المخرج شريف عرفة، واستاذ شريف حاسم جدًا زي اللجان اللي هتشوفها وكان أصعب، قالي خد المشهد ده وتذاكره كويس جدًا.
وختم حديثه قائلا: المفاجأة أنه المشهد الرئيسي للأستاذ الراحل أحمد زكي، طلبت منه مشهد ليه من الفيلم، لكنه رفض، رجعت البيت ومسكت الورقة وقلت أن مستقبلي كله في الورقه دي، وفي تاني يوم روحت للاستاذ شريف والحمد لله ابتديت الرحلة من هنا.
