بعد مؤامرة 67 سافرت الكثير من الفنانات خارج مصر وكانت شادية واحدة من الفنانات اللاتى تركوا مصر واختاروا الحياة ما بين لندن وباريس.
وأنكر بعض الفنانات جنسيته المصرية ومنهم فنانة كبيرة ادعت انها تركية و ليست مصرية لكن شادية كانت تدافع عن مصر بشراسة وهى فى لندن وباريس ولم تنهزم نفسيا بل تحولت رقتها الى شراسة فى وجه كل شامت فى مصر، في باريس قابلها المؤرخ السينمائي الأستاذ عبدالله احمد عبدالله والشهير بشخصية (ميكي ماوس) وهو من اخبرها موضوع تنكر فنانة كبيرة لمصريتها ونصحها بالعودة واستئناف نشاطها الفني والدفاع عن قضية مصر من داخل مصر وقد قضت تدافع بشراسة عن مصر فى باريس ولندن.
وبالفعل عادت شادية لمصر فى شتاء 1970 وفي ليلة شتوية باردة رن تليفون منزلها فرفعت سماعة التليفون فجاءها صوت بليغ حمدي والله ان قلت اعدي سبع بحور لأعدي حتي ان تعبت ماهدي عدي وخدني معاك خدني لحبيبي هناك وقالت شادية ايه اللي بتقوله دا يا بليغ؟ فرد عليها قائلا دا كلام كتبه حمزة لما عرف انك رجعتلنا.. وبفرحه شديه قالت جيالك يا بليغ فورا.
شادية ذهبت لبليغ وكان موجود بعض اصدقاء بليغ منهم عازف الاكوديون فاروق سلامة مسك بليغ العود شادية ولم يطلع الصبح الا وكانت الأغنية لحنت وسجلت في الإذاعة بعد أيام وغنتها على المسرح لأول مرة بعدثلاثة اشهر وعرفت بأغنية العودة و غنت اغنية اخرة بعنوان آخر ليله وتقول فيها واليوم ده حقيقي حلمت ان حبيبي.. جم سألوا عليه رد بصوته عليهم.. سألته هتروح ليهم وهتغيب قد ايه؟ قاللي جاي الليله.. وفاتت ييجي ميت ليله.. على آخر أحلى ليلة.
وتوالت اسلحة شادية فى المعركة وقدمت ياحبيبتى يامصر يامصر
يابلادى يا احلى البلاد يا بلادى
فداكى انا والولاد يا بلادى
بلادى يا حبيبتى يا مصر يا مصر
يا مصر
ما شفش الامل فى عيون الولاد
وصبايا البلد
ولا شاف العمل سهران فى البلاد
والعزم اتولد
ولا شاف النيل فى احضان الشجر
ولا سمع مواويل فى ليالى القمر
صله معداش على مصر
يا حبيبتى يا مصر يا مصر
يا بلادى يا احلى البلاد يا بلادى
فداكى انا والولاد يا بلادى
بلادى
مشفش الرجال السمر الشداد
فوق كل المحن
ولا شاف العناد فى عيون الولاد
وتحدى الزمن
ولا شاف اصرار فى عيون البشر
بيقول احرار ولازم ننتصر
اصله معداش على مصر
يا حبيبتى يا مصر يا مصر
يا حبيبتى يامصر
يا بلادى ياحلى البلاد يابلادى
فداكى انا والولاد يا بلادى
يا حبيبتى يا مصر يا مصر
اغنية العودة
خدني معاك ياللي انت مسافر خدني معاك
خدني معاك عنــــد الحبـــايب خدني معاك
خدني معاك عنـــد اللي غايـــب حدني معاك
وحياتك يا ماشي عدي ولا تنساشي
حبيبي راح ولا جاشي
من سنين وانا صابرةه عا لحنين مش قادرة
ولأجل خاطره مسافرة
خدني معاك ياللي انت مسافر
وحياتك يا جارنا يامسافر لقمرنا من يوم فراقه لدارنا
غابت في بعده قمره تكتب عليه الشجره
سألت عليه كم مره خدني معاك..
والله ان كنت اعدي سبع بحور لاعدي
حتىان تعبت ما هدي
عدي وخدني معاك خدني لحبيبي هناك
واناواقفه باستناك
خدني معاك ياللي انت مسافر
كلمات: محمد حمزة
ألحان: بليغ حمدي
