تلقت الفنانة كارولين عزمي دعم كبير من جانب نجوم الفن الذين طالبوا بضرورة القبض على من قام بالتحرش اللفظي بها أثناء قيادتها لسيارتها أمس واعادت كارولين نشر رسالة الدعم المطالبة بضرورة القبض على المتحرش ليكون عبره لكل من يحاول التعدي على سيدة عبر خاصية الاستوري على صفحتها الشخصية على انستجرام.
حيث عبرت الفنانة ولاء الشريف عن مدى استيائها من الواقعة وأنها لم تكن المرة الأولى التي تتعرض فيها سيدة لمثل هذا النوع من التحرش وكتبت :" كتير بيحصل معانا كده" أما ميان السيد وملك احمد زاهر قاموا بنشر نفس التعليق واكتفوا بالتعجب قائلين :" ايه ده!!" كما تلقت دعم العديد من متابعيها على انستجرام.
وكانت كارولين قد نشرت أمس عبر صفحتها الشخصية على انستجرام فيديو لشخص قام بالتعدي اللفظي عليها أثناء قيادتها لسيارتها وكتبت معلقة :"مساء الخير أنا اللي يعرفنى أو متابعنى عارف أني شخص مالوش فى المشاكل، ولا عمري شاركت مشكله تخصنى سوشيال ميديا"
وتابعت: "النهاردة كنت فى عربيتي وجنبي عربية فيها واحد كسر عليا كل اللي عملته إنى بصيت له وبصيت قدامي، فلقيته بيكرر نفس الحركة تانى باستظراف روحت طلعت الموبايل وعملت نفسي بصور عشان اخوفه واخليه يبطل يضايقنى، اتفاجأت وهو بيقول لى بتصوريني يا بنت لفظ خادش".
واضافت: "ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم وبدأ يقول لي تعالي ورايا والحقيقة إني مش عارفة أروح وراه فين أو كان عايز يعمل ايه ولأني اتوترت وخفت ساعتها ما قدرتش اصور 1% من اللي عمله الشخص دا".
واختتمت قائلة: "أنا اتشمت واتهنت واتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض! أكيد الشخص دا أذى بنات كتير لإنه تقريبا متعود على الحركات دى ومتعود يخوفهم ومش همه حتى إنه يتصور ويتفضح، أنا عايزة حقي يرجع لي".
ويذكر أن الفنانة كارولين عزمي تنتظر حاليا عرض الموسم الثالث من مسلسل أبو العروسة المقرر عرضه يوم السبت القادم من بطولة سوسن بدر وسيد رجب وولاء الشريف ومحمد عادل ومدحت صالح ونيرمين الفقي ووفاء صادق كما تم عرض مؤخرا حكاية النظارة البيضاء من الموسم الرابع لمسلسل نصيبي وقسمتك وشاركها البطولة امير المصري .
