من لقاء أول إلى خطوبة مزيفة.. تفاصيل تريند حورية فرغلي ونزار الفارس

حورية فرغلي ونزار الفارس
حورية فرغلي ونزار الفارس

تصدرت الفنانة حورية فرغلي والإعلامي نزار الفارس تريند السوشيال ميديا خلال الساعات الماضية بعد أن انتشرت صور واخبار تؤكد خطوبتهما وعلى الرغم من نفي حورية فرغلي الخبر مؤكدة أنه مجرد طلب منه لاستضافتها في برنامجه إلا أنه نزار الفارس أكد خبر الخطوبة.

 

وكانت البداية حينما أعلن الإعلامي العراقي نزار الفارس خبر خطوبته على الفنانة حورية فرغلي في برنامج "صبايا الشمس" مع الإعلامية ريهام سعيد لتنفي بعدها حورية فرغلي كل ما أثير وتؤكد أنه مجرد لقاء تلفزيوني معه قائلة:" أنا نفسيا مش كويسة وحاسة أني عايشة في كابوس مش حاسة أني عايشة في دنيا حاسة أني في غابة".

 

وتابعت موضحة :"ده مذيع بقاله أسبوعين بيحاول يعمل معايا لقاء وقالي أنه عراقي أنا كنت شفت لقائه مع رانيا يوسف مرة قولتله أو، قولنا نصور في البيت وأنا قولت أوك وساكنة قدام نادي الجزيرة والمنظر حلو وأنا قولت ده كله بيصوروا وضيف عندي في البيت".

 

وأوضحت خلال مداخلة هاتفية لبرنامج "ملفات" مع الإعلامية أميرة بدر قائلة :"قالي هسمعك أغنية وطلب مني أتصور وأرقص معاه وكل اللي حواليه بيلموا المعدات والكاميرات ومعرفش مين بيصور ومرضتش أكسفه ولكن قولتله مش هيبقى حلو أنا طويلة ولابسة كعب وهيبقى منظري مش حلو".

 

وأضافت مؤكدة:" هوجاي عايز يعمل تريند ده حتى كلم أشرف المساعد بتاعي وعرض عليه فلوس عشان يقول أننا اتخطبنا فعلا".

 

ليرد الإعلامي نزار الفارس على تصريحاتها عبر خاصية استوري على صفحته الشخصية على انستجرام قائلا:" مصورتهاش بكاميرا مستخبية زي ما قالت كان في 3 كاميرات تليفزيون بتصور والبرومو هينزل وهتشوفوا واحنا بنرقص وفي 3 كاميرات بتصورنا".

 

واستكمل قائلا:" في اللقاء قالت لي محدش بيتجوزني أنا كبرت وعاملة تجميل قولتلها أنا بتجوزك عراقي توافقي؟ قالت أيوة" مضيفا:" لو كنت عايز أطلع تريند كنت طلعت في كل القنوات المصرية لأنهم طلبوني لكن هي اللي بتصرح في كل حتة".

 

احمد جلال

محمد البهنساوي

ترشيحاتنا