هاجمت الفنانة ناهد السباعي تصريحات الفنان محمد رمضان بعد تشبيه بداية مسيرته الفنية ببدايات وأفلام جدها الراحل فريد شوقي وأن اول أفلام ملك الترسو "حميدو" جسد فيه تاجر مخدرات مثل بداياته في فيلم "عبده موته" وأكتفت ناهد السباعي بالرد على محمد رمضان بإعادة نشر تعليقات جمهورها على تصريحاته عبر خاصية استوري على صفحتها الشخصية على انستجرام.
ونشرت ناهد السباعي تعليق لاحد متابعيها قائلا:" انت هتقارن العك وقلة الأدب والألفاظ اللى بتقولها فى كل افلامك الهابطة بفن أيام زمان.. طب شوف أفلامه اللى غيرت قوانين بلدك اللى كان فيها ثغرات وشوف الفيلم نهايته كانت ايه.. سبحان الله بقى عندك كمية عدم قبول وكره رهيب من الناس ربنا يديمه عليك".
ونشرت تعليق اخر يهاجم محمد رمضان قائلا :" فريد شوقى .. الملك.. ملك الترسو .. والله حلال اللى هتعمله فيك ناهد السباعى عشان الحداد معلش تريند قلت تطلع تريند على حساب الملك والزعيم اللى مرضيش يشغلك معاه" ويذكر أن الفنان محمد رمضان قد صرح في لقاء قديم له مع الإعلامية نجوى إبراهيم عن تشابه افلامه مع افلام فريد شوقي رافضا اتهامه بنشر البلطجة.
وقال محمد رمضان خلال اللقاء :"فيلم حميدو قريب من فيلم عبده موتة بل في فيلمي مقتلتش البطلة اللي حملت منه وهناك نجوم كبار كانوا مضطرين أن يقدموا أشياء أصعب من عبده موتة في بداياتهم ومش هقول اسمهم عشان ميزعلوش مني".
